Á haustin eru alltaf einhverjar breytingar í starfsmannahópnum og verður engin undantekning frá því þetta árið.

Hanna Stína hefur kvatt okkur en hún ætlar að fara í nám í vetur og svo mun Kristján kveðja okkur í lok ágúst en hann ætlar að halda áfram í námi sínu til leikskólakennara. Við færum þeim bestu þakkir fyrir gott samstarf.

Tveir starfsmenn bætast við hópinn í ágúst en það eru þær Viktoría Unnur Viktorsdóttir grunnskólakennari og Anna Björg Guðmundsdóttir leikskólakennari. Þær verða að vinna á Hulduheimum. Viktoría og Anna Björg eru báðar heimavanar í Fífuborg því þær unnu hér áður til fjölda ára. Við bjóðum þær velkomnar til starfa

Í byrjun september kemur Guðrún Freyja svo aftur til starfa úr fæðingarorlofi.

Í dag tókum við forskot á þjóðhátíðardaginn með hátíðahöldum í Fífuborg. Skreyttur garðurinn tók á móti börnunum þegar þau komu í leikskólann og að skrúðgöngu lokinni var boðið upp á ýmis skemmtileg tilboð s.s. dósakast, hjólbörurallý, andlitsmálningu, pokahlaup og fleira. Skemmtuninni lauk svo með grilluðum pylsum og ís.

Fleiri myndir má sjá í myndasafninu