Kæru foreldrar. Nú er komið haust og veður misjöfn. Það er áberandi hvað vantar mikið í töskur barnanna og því viljum við biðja ykkur að huga vel að útifatnaði barna ykkar. Mikilvægt er að hafa stígvél, pollagalla, húfur, vettlinga, hlýja peysu og úlpu. Einnig viljum við biðja ykkur að vera samstíga okkur í því að leyfa börnunum ykkar ekki að leika sér á svörtu stólunum í fataklefanum. Þetta eru stólar fyrir fullorðna og eru hættulegir börnunum ef þau eru að leika sér á þeim.

Í dag ákváðum við að taka okkur frí frá útiverunni og prófa að gera eitthvað annað. Sumir völdu að mála, aðrir völdu að vera í könnunarleik og einhverjir völdu að vera í kubbaleik. Var þetta rólegur og notalegur morgun hjá okkur.