Í dag tókum við forskot á þjóðhátíðardaginn með hátíðahöldum í Fífuborg. Skreyttur garðurinn tók á móti börnunum þegar þau komu í leikskólann og að skrúðgöngu lokinni var boðið upp á ýmis skemmtileg tilboð s.s. dósakast, hjólbörurallý, andlitsmálningu, pokahlaup og fleira. Skemmtuninni lauk svo með grilluðum pylsum og ís.

Fleiri myndir má sjá í myndasafninu

Mánudaginn 10. maí kemur Kristján aftur til starfa og fer hann á Tröllheima til að byrja með. Hann verður hjá okkur í sumar en mun svo snúa aftur í skólann í lok ágúst.

Þriðjudaginn 11. maí byrjar Sunna á Álfheimum. Sunna er að útskriftast sem leikskólakennari í júní.

Við bjóðum bæði Kristján og Sunnu velkomin til starfa

Við viljum líka nota tækifærið og þakka Ingibjörgu fyrir samveruna í vetur en hún mun hætta þriðjudaginn 11. maí.

Nú hafa farið fram hópaslit hjá öllum hópum með skemmtunum þar sem börnin buðu fjölskyldum sínum upp á skemmtiatriði í sal. Í morgun sýndu þau svo hvoru öðru atriðin sín og er meðfylgjandi mynd tekin þá. Fleiri myndir frá vinastundinni má finna í myndasafninu.

Hérna má sjá Ljósheimabörnin syngja

Leikskólinn verður lokaður frá og með mánudeginum 19. júlí og opnar hann aftur miðvikudaginn 4. ágúst. Öll börn þurfa að taka samfellt sumarleyfi í fjórar vikur. Nánari upplýsingar verða sendar í tölvupósti til foreldra.