Leikskólinn er lokaður allan daginn 25. nóvember vegna skipulagsdags. Dagurinn verður nýttur í starfsmannafund, endurmat og að skipuleggja starfið eftir áramót. Við munum enda daginn á hópefli og hrista starfsmannahópinn vel saman 😊

Sigrún tók til starfa í Fífuborg í byrjun október. Hún er með BA gráðu frá Listaháskóla Íslands, framhaldsnám í myndlist frá Ríkis Akademíunni í Amsterdam, MA gráðu í margmiðlunarfræðum frá Háskólanum í Quebec í Kanada og diplóma í kennsluréttindum frá Kennaraháskóla Íslands. Hún hefur starfað í Háskólanum í Quebec í Kanada, Listaháskóla Íslands, Borgarholtsskóla og leikskólanum Sjálandi. Hún er í 100% starfi og mun starfa á Dvergheimum til að byrja með.

Rakel hóf störf í Fífuborg í ágúst 2022. Rakel er háskólamenntaður starfsmaður í starfsnámi. Hún er með B.A. í uppeldis- og menntunarfræðum og er í meistaranámi í leikskólakennarafræðum. Hún er í 70% starfi og vinnur á Álfheimum.

Joanna sem hefur starfað í eldhúsi leikskólans á vegum Matartímans í nokkur ár er byrjuð í hlutastarfi hjá okkur í Fífuborg. Joanna mun vera inni á deildum í upphafi og lok hvers dags. Hún vinnur sem afleysing á öllum deildum.

Leikskólinn er lokaður allan daginn 22. september vegna skipulagsdags. Dagurinn verður nýttur í að fara á ráðstenu fyrir starfsfólk leikskóla í Reykjavík..Yfirskriftin er ,,Lof mér að leika, virkni yngstu barnanna í leikskólanum".