í vikunni erum við búin að vera mikið úti að leika, í rigningunni og sólinni.
Hjóla og kisuhópur fóru í fjöruferð í Gorvík í fjörunni fundu börnin bláskeljar, kúfskeljar, blöðruþang og krabba. Börnin fengu að vaða í sjónum en þurftu að passa að vaða ekki of langt svo það færi ekki sjór ofan í stígvélinn. Fjöruferðin er ein af þeim ferðum sem næst elstu börn leikskólans fara í.

Á meðan hjóla og kisuhópur voru í fjöruferð fór hestahópur í heimsókn á Álfheima og voru með börnunum þar í samveru- og ávaxtastund áður en þau fóru út að leika í leikskólagarðinum.

Á miðvikudaginn var deildarval, þá komu börnin með ósk um hvaða leikefni væri í deildarvalinu, börnunum langaði að leika í holukubbum, kúlubraut, smíðadóti og perlum. Allir skemmtu sér vel í valinu og börnin skiptust á að vera í holukubbum, því það eru allra skemmtilegustu kubbarnir í Fífuborg.

Á fimmtudag og föstudag fórum við út að leika fyrir og eftir hádegi. Í útiveru finna börnin sér alltaf eitthvað skemmtilegt að gera hvort sem það er hjóla, fótbolti, klifra í brunabílnum eða safna skordýrum. Á föstudaginn var tónlist úti í garði sem börnin gátu dansað við og hlustað á.

Börnin eru alltaf að spá í lífið og tilveruna, í umræðum í vikunni mátti heyra börnin segja við kennara sína:

„einu sinni var ég lítil á Ljósheimum þá var ég svoldið óþolandi því mamma þurfti alltaf að halda á mér“

barn segir við kennara „mamma“ kennari svara ég er ekki mamma þín þá svara barn „ jú þú ert leikskóla mamma mín“

kennari spyr börnin sem fóru í fjöruferð fóru þið heim með skeljarnar barn svara „já ég fór heim með kúkaskelina (kúfskel)“

Á þriðjudaginn fóru börn fædd 2017 í Fífuborg í gönguferð á leikvöll við voginn. Allir stóðu sig vel í gönguferðinni og allir voru mjög duglegir að ganga. Á leiðinni á leikvöllinn sáum við hesta sem börnin gátu klappað og gefið gras og blóm að borða, börnin komust að því að hestarnir vildu ekki borða Sóleyjar en vildu gæða sér á Túnfífil. Á leikvellinum var mikið klifrað og hlaupið um. Í gönguferðina tókum við með okkur epli og vatn í nesti.

Á meðan voru börnin í hestahóp á Fífuborg, þau fengu að fara í heimsókn á Hulduheima og fóru svo út að leika í góða veðrinu.

Á miðvikudaginn kom sögubílinn Æringinn til okkar. Sóla sögukona sagði okkur sögu inni í sögubílnum sem var lagður fyrir utan hliðið á Fífuborg. Börnunum fannst mjög spennandi að fara í sögubílinn og skoða myndirnar sem bílinn er skreyttur með. Stelpurnar voru ekki lengi að sjá að það var stór kóróna ofan á bílnum. Börnunum var skipt upp í tvo hópa því við komumst ekki öll fyrir í einu inn í bílnum. Á meðan yngri börnin voru að hlusta á söguna voru eldri hópurinn inni að teikna mynd af húsinu sínu.

Á fimmtudaginn var komið að stóra valinu, flest börnin völdu að fara út að leika í góðaveðrinu þau börn sem fóru ekki út völdu í holukubba og einingakubba.

Á föstudaginn fór öll börnin á Dvergheimum í gönguferð. Gengið var að Rimaskóla og börnin léku sér á skólalóðinni áður en haldið var að nýju í Fífuborg.

Framundan á Dvergheimum
14. júní Hesta hópur fer í gönguferð
15. júní Hjóla- og kisuhópur fara í gönguferð
16. júní Þjóðhátíð Fífuborgar

Mánudagur er útivistardagur, við fórum út fyrir og eftir hádegi allir skemmtu sér vel að leika úti.

Á þriðjudaginn var komið að stóra valinu, í valinu var hægt að velja í listaskálann, vísindi, holukubba, salinn og einingakubba. Börnin á Dvergheimum er mjög spennt fyrir stóra valinu og bíða með eftirvæntingu eftir að heyra deildarsíman hringja inn valið. Eftir hádegið var útivera.

Á miðvikudag fóru hjóla og kisuhópur í gönguferð. Börnin voru að skoða húsin sín, við löbbuðum að húsum barnanna og tókum mynd af börnunum fyrir framan húsið. Áður en lagt var af stað í gönguferðina voru börnin minnt á að við ætluðum ekki að fara inn í húsið þeirra eða hringja á bjöllunni allir mundu eftir því og börnin voru dugleg að ganga og rata að húsinu sínu. Við eigum eftir að fara í eina gönguferð til viðbótar til að sjá hús barnanna. Næsta vetur verður þetta eitt af verkefnunum hjá hestahóp.

Hesta hópur varð eftir á Fífuborg og fór út að leika.
Á fimmtudag var aftur komið að stóra valinu og börnin mjög hissa yfir því að það væri aftur stórt val í þessari viku. Dvergheimabörnunum þykkir mjög gaman að velja í listaskála, salinn og vísindasvæði. Eftir hádegi var útivera í rigningunni.

Föstudagur þá ákváðum við að hafa deildarval þá gátu börnin valið um að leika í holukubbum, smíðadóti, segullkubbum og hreyfistund í salnum. Eftir hádegi var komið að útiveru í rigningunni. Börnunum þykkir flestum gaman að fara út að leika í rigningunni, hoppa í pollana og safna vatni í fötur.

Síðasta vinastundin fyrir sumarfrí var í dag, í vinastundinni sýndu elstu börnin í Fífuborg okkur leikrit sem börnin sömdu sjálf. Leikritið var um geimverur.

Í þessari viku héldum við áfram að æfa okkur að syngja Öxar við ána og rifjuðum upp 17. júní lagið flest börnin mundu hluta af textanum.

 

Framundan á Dvergheimum
8. júni Sögubílinn Æringinn

Á mánudag var útivistardagur þá fóru allir út að leika í sólinni fyrir og eftir hádegið.

Þriðjudagur þá var komið að stóra valinu og börnin voru mjög hissa að það væri aftur stórt val því það var í síðustu viku líka. En allir voru sammála um að það væri mjög gaman í stóra valinu.
Fyrir valið að teiknuðu börnin mynd á boðskortin fyrir ömmu og afa kaffið sem verður 1. júní

Eftir hádegið fóru allir út að leika.

Á miðvikudaginn ákváðum við að fara út að leika í rigningunni fyrir hádegi. Í útiverunni voru börnin að fylgjast með vinnumönnum sem eru að laga hjólastæðinni hjá okkur, börnunum fannst mjög mikilvægt að vita hvað vinnumennirnir hétu og voru alltaf að spyrja þá. Í útiverunni voru börnin einnig að hjóla og fóru í fótbolta og Dimmalimm á milli þess sem það voru búnar til kökkur og fjöll í sandkassanum.

Í samverustundinni fyrir hádegi var brunaæfing. Börnin stóðu sig vel og voru fljót að koma í röð við neyðarútganginn á Dvergheimum þegar brunabjallan fór í gang. Enginn var hræddur við brunabjölluna, við vorum búin að spjalla saman um að bjallan færi í gang og hvað við ættum að gera þá. Dvergheimabörnin voru með það á hreinu að við ættum ekki að setjast aftur í samveruna fyrr en það væri búin að koma kennari inn á deildina og segja okkur að þetta var bara æfing og engin eldur í Fífuborg.

Á föstudaginn var vinastund í salnum, öll börnin á leikskólanum sungu saman nokkur lög sem við höfum verið að æfa okkur að syngja í maí. Í útiverunni var mikið fjör, fh. gátu þau börn sem vildu krítað, sprengja sápukúlur, farið í fótbolta og svo var verið að moka í sandkassanum, klifra og leita af gullbjöllum og köngulóm. Í útiverunni eftir hádegið var sett upp þrautabraut úti í garði sem endaði á því að börnin fengu að vaða í buslulaug. Margir voru blautir eftir sullið í útiverunni. En börnin skemmtu sér mjög vel í útiverunni og allir brosandi út að eyrum.

Í söngstundum inni á Dvergheimum erum við að byrjuð að æfa okkur að syngja lög fyrir sumarhátíðina (16.júní) og þessa dagana höfum við verið að læra lagið Öxar við ána.

Framundan á Fífuborg
1. júní ömmu og afa kaffi