Í janúar og fyrrihluta febrúar ætlum við að kynnast Eistlandi. Við höfum skoðað fánann þeirra, nokkrar merkilegar byggingar í Tallin sem er höfuðborgin í Eistlandi og lært nokkur orð á eistnesku.

Við höfum líka skoðað þjóðbúninginn þeirra og gert okkar útgáfu af honum eins og sjá má á Nordplusveggnum okkar. Eins höfum við komist að því að í Eistlandi er forseti alveg eins og á Íslandi.

Í byrjun febrúar ætlum við að vera með ekta eistneska súpu í hádeginu og verður spennandi að smakka hana!

Fleiri myndir má sjá á myndasíðunni.

Í nóvember höfum við fræðst um Svíþjóð. Við höfum meðal annars lært að það eru kóngur og drottning þar og hvenig þjóðfáni Svíþjóðar lítur út. Við höfum fengið sænskar kjötbollur í hádegismatinn og lesið bækur eftir sænska rithöfunda s.s. Astrid Lindgren og Gunillu Bergström. Þá höfum við líka kynnt okkur hvernig sænski þjóðbúningurinn lítur út.

Í desember höfum við búið til jólakort til að senda vinum okkar í Nordplus Junior verkefninu. Við munum fjalla um jólahefðir í hverju landi fyrir sig en öll löndin áttu að senda hvert öðru upplýsingar um sínar hefðir.

Einnig er verið að útbúa sameiginlegt dagatal fyrir árið 2014 og kom það í okkar hlut að útbúa janúar og ágústmánuð. Ætlunin er að á dagatalinu komi fram í hvaða þjóðlegu hefðum börnin taka þátt þessa mánuði. 

Hér má sjá mikla einbeitingu þegar jólakortin voru unnin. Fleiri myndir eru á myndasíðunni.

Her má finna upplýsingar á ensku um verkefnið okkar. Here are some informations about our project in english.